LIBRI I
(9,25,3) Përsa i përket kolhëve që ishin dërguar për të ndjekur anijen0, dhe që nuk kishin mundur ta arrinin, disa u vendosën në mallet Keraune; të tjerë të hedhur në brigjet e Ilirisë u vendosën në ishujt Apsyrtide; disa të tjerë arritën gjer te ishulli i fajakëve ku u gjetën argonautët...
LIBRI II
(1,3,5) ... Atëherë Hera dërgoi një zekth, i cili si iu ngjit lopës e bëri që ajo të hidhej në det dhe prej saj ky (det) mori emrin Jon. Ajo përshkoi pastaj Ilirinë dhe duke kapërcyer malin Hajmon, kaloi me not ngushticën e Thrakisë, që për shkak të saj e quajnë tani Bospor...
(5,11,3) ... /Herakliu/ kaloi pastaj tek ilirët dhe shkoi tek lumi Herydan, ku pa nymfet, të bijat e Zeusit e të Themidës...
(7,6,1) ... Herakliu bëri së bashku me kalydonët luftë kundër thesprotëve dhe pushtoi qytetin Efyra, mbret i të cilit ishte Fyla.
LIBRI III
(5,4,2) Kadmi bashkë me Harmoninë la Thebën dhe erdhi te enhelejt. Këtyre të fundit u kishin rënë më qafë ilirët dhe Hyu u kish thënë se do t'i mundnin ilirët nëqoftëse do të mermin për udhëheqës Kadmin e Harmoninë. Ata iu bindën porosisë hyjnore dhe caktuan si prijës kundër ilirëve Kadmin me Harmoninë; gjatë luftës fituan enhelejt e udhëhequr nga Kadmi, të cilin e zgjodhën mbret; ky pat një djalë me emrin Ilir. Po më vonë bashkë me Harmoninë u kthye përsëri në dragua dhe u dërgua prej Zeusit në fushën Elyse.
(7,7,1) Pasi i treguan të gjitha këto s'ëmës, ata3) shkuan sipas këshillave të Ahelout, të vendosnin në tempullin e Delfit brezin dhe peplosin. Prej andej shkuan në Epir dhe mblodhën banorë për të populluar një vend të cilit i dhanë emrin Akamani...