Volumi i tetë përmban ... se si u mundën nga Filipi mbretërit ilirë, se si u nënshtrua Thrakia eThesalia dhesi u vendos në Epir mbreti Aleksandër, pasi u rrëzua Arryba...
Për veprimtarinë e Arhidamit mbreti të Lakedemonisë dhe Aleksandrit Molos në Itali, të cilët që të dy u asgjësuan këtu, bashkë me ushtritë e tyre.
Se si pas vdekjes së Kasandrit, kur filloi lufta midis të bijve, Demetri, i thirrur nga njëri prej tyre në ndihmë, e vrau atë dhe zuri mbretërinë maqedonase. I dëbuar prej këndej pas pak kohësh nga mbreti i Epirit, Pirrua, ai i transferoi veprimet ushtarake në Azi.
Pastaj filloi lufta midis ushtarëve të tij të huaj mercenarë dhe sikulëve. Kjo shkaktoi ardhjen e Pirros, mbretit të Epirit në Siqeli dhe ky luftoi me punët dhe mamertinët, por kur u kthye nga Siqelia në Itali u mund në një betejë nga romakët dhe u kthye në Epir.
Se si Pirrua, pasi u kthye nga Italia, i mori Antigonit mbretërinë maqedonase, rrethoi Lakedemoninë, vdiq në Argo dhe se si i biri i Pirros Aleksandri, bëri me mbretin Mytil luftën ilire.
Sesi pas vdekjes së mbretit të Epirit, Aleksandrit, epirotët vranë Laodamenë... Se si mbreti i Maqedonisë, Demetri, u thye nga dardanët... Duke u larguar pak nga tema, flitet për luftën ilire që romakët bënë kundër Teutës.
Lufta e mbretit Filip kundër dardanëve dhe etolëve. Filipi luftoi kundër ilirëve, dardanëve dhe prapë kundër etolëve, të cilëve u ndihmonin romakët...
Se si romakët luftuan me mbretin e Maqedonisë Perseun, të birin e Filipit dhe, pasi e zunë rob, shkretuan Epirin.