Fortifikimi i njohur, me emrin Gradishta e Rabies, ngrihet mbi një kodër shkëmbore me lartësi 880 m në perëndim të fshatit Rabie, në rrethin e Tepelenës. Prej saj kontrollohet së afërmi rruga natyrore, e cila lidh luginën e mesme të Vjosës me atë të Osumit nëpërmjet qafës së Gllavës. Në këtë pozitë të favorshme Rabia ishte një kështjellë kufitare e bashkësisë byline, siç dëshmon një mbishkrim i gjetur atje.
Fortifikimi i njohur, me emrin Gradishta e Rabies, ngrihet mbi një kodër shkëmbore me lartësi 880 m në perëndim të fshatit Rabie, në rrethin e Tepelenës. Prej saj kontrollohet së afërmi rruga natyrore, e cila lidh luginën e mesme të Vjosës me atë të Osumit nëpërmjet qafës së Gllavës. Në këtë pozitë të favorshme Rabia ishte një kështjellë kufitare e bashkësisë byline, siç dëshmon një mbishkrim i gjetur atje.
Në një qendër arkeologjike, të braktisur sot tërësisht dhe nga e cila kanë mbetur vetëm pak gjurmë, S.Anamali ka gjetur një mbishkrim interesant.
Kalaja shënon në mënyrë të sigurtë kufirin lindor të territorit të bylinëve. Mbishkrimi duhet të ishte një kushtim për një hyjni emri i së cilës mungon, i bërë nga një peripolark, një sekretar dhe nga të paktën katër symperipolë. Ata i përkasin me shumë gjasë koinonit të bylinëve; mbishkrimi datohet në fund të shekullit të III dhe në fillim të shekullit të II p.e.sonë. Ky mbishkrim duhet përafruar me atë që ndodhet në Ashmolean Museum të Oksfordit, i cili, pas përmendjes së prytanit eponym bën fjalë për një kushtim për Dionisin të bërë nga një peripolark, një sekretar dhe disa symperipolë. Ky mbishkrim duhet të jetë me prejardhje nga Apolonia.