Varreza e qytetit ka qenë shtrirë kryesisht në anën perëndimore, në anë të rrugës kryesore që vinte nga gjiri i Vlorës. Grupe varresh monumentale gjenden edhe në anët e rrugës që vinte nga territori bylin. Varret më të hershme kanë formën e një arke të krijuar me pllaka të mëdha guri të latuar, të ngjashme me ato të Bylisit. Më të hershmit e tyre datohen në çerekun I të shek. IV p.e.sonë. nga enët me figura të kuqe të prodhimit të Magna Grecias, Shekullit IV-III i takojnë një numur i madh varresh monumentale nëntokësore me dy dhoma, të mbuluara me qemer.