Nora e Kelmendit është një figurë legjendare në Malësinë e Veriut. Ajo është e njohur për trimërinë e saj. Sipas një legjende (me disa versione), një komandant osman, në shekullin e shtatëmbëdhjetë, i quajtur Vutsi Pasha nga Bosnja, kishte pushtuar Kelmendin me trupat e tij. Atje, atij i ra në sy Nora e bukur dhe kërkoi që nëse ajo do t’i dorëzohej si dashnore, ai do ta tërhiqte ushtrinë. Nora iu dorëzua pashës, por fill pastaj ajo e theri me kamë, duke e sakrifikuar veten për lirinë e Kelmendit.