Ky version e ka zanafillën e vet te vepra "Historia" e Herodotit (484 - 425 p.e.s. ), ku autori i vlerësuar si “babai i historisë botërore”, vë në dukje se tirrenët, domethënë etruskët, u dyndën në Gadishullin Italik nga Azia e Vogël, qysh në shek. XIII p.e.s.
Dëshmi të tilla të ngjashme i ndeshim edhe në veprat e autorëve të tjerë antikë greko-romakë, si: Straboni, Plini (Plaku) dhe Taciti, të cilët kurdoherë i referohen Herodotit, pohimet e të cilit për këtë çështje jo vetëm i marrin për të mirëqena, por dhe i mbështesin pa mëdyshje.