Monumenti më i ruajtur është stadiumi i ndërtuar rreth 150 m jashtë mureve rrethuese, në një tarracë natyrore në lindje të qytetit.
Shkallët e gurta, të vendosura në formë potkoi të zgjatur, ndiqnin një pistë 12,50 m të gjerë, të ruajtur për rreth 55 m. Në njërin krah, të mbështetur në faqen e kodrës, kishte 17 shkallë, kurse në krahun tjetër, të ngritur mbi një mbushje dheu, kishte vetëm 8 shkallë. Shkallët, me gjerësi 0.60 m dhe lartësi 0.30 m, shërbenin për uljen e spektatorëve. Në faqet vertikale të ndenjëseve kanë qenë gdhendur emra funksionarësh si Iparhos, apo personash: Sokrates, Apollonos. Ndërtimi i stadiumit i takon mesit të shek. III p.e.sonë.