Sulltan Sylejmani u përurua në vitin 1098/1687 tek tyrbja e Ejub Sulltanit, por vetëm një vit pas ardhjes së tij, austriakët morën Erdelin, Beogradin dhe kështjellat Ujvar dhe Egri. I gjendur para një situate të vështirë, sulltani i ri emëroi Fazëll Mustafa Pashanë si Sadrazam në vitin 1100/1689, i cili kufizoi taksat për popullin, për shkak të luftërave të vazhdueshme dhe amendoi disa ligje si masë parandaluese ndaj kryengritjeve të mundshme të popullit të krishterë, që jetonte në territorin osman, që mund të nxitej nga austriakët dhe venedikasit. Gjithashtu, ,në vitin 1101/1690, ai rimori Nishin, Semendiren dhe Beogradin. Sulltan Sylejmani II ishte shumë i kënaqur nga fitoret që arriti Serdar-ë Ekrem (titull që iu dha Sadrazamit në xhihadin kundër jobesimtarëve, që do të thotë kryekomandanti më i nderuar). Në shenjë vlerësimi, sulltaru hoqi gëzofin, kamën dhe kurorën e tij, dhe ia dha Sadrazamit e më pas u lut i përlotur për të.
Kur Fazëll Mustafa Pasha arriti të zmbrapste austriakët tej Danubit, ai e trajtoi rajen në këtë vend me njerëzi dhe bujari. Ai u dha atyre grurë, liroi të burgosurit e luftës dhe arriti të bindte emigrantët muslimanë të atyre zonave, të riktheheshin. Në këtë mënyrë, osmanët rifituan me sukses zonat kufitare.