Në vitin 1185/1771, një ushtri e madhe ruse sulmoi Krimenë, mundi Hanin e saj, Selim Gërajin, dhe burgosi valiun Osman të Kefes, Ibrahim Pashanë. Mareshali rus Romanov marshoi drejt Silistres në vitin 1187/1773, por, pasi pësoi humbje të mëdha, u tërhoq në pjesën veriore të Danubit. Populli i Krimesë kërkoi ndihmë dhe Muhassili i Xhanikut (mbledhësi i taksave të Samsimit) el-Haxh Ali Beu, grumbulloi 20.000 ushtarë me mbështetjen e trupave të Krimesë. Gadishulli do të ishte çliruar me forcë, nëse një traktat paqeje nuk do të ishte lidhur me Rusinë. Sulltan Mustafai vdiq në vitin 1188/1774 nga apopleksia (paralizë e trurit) dhe vëllai i tij, Abdylhamidi, u bë sulltan osman.