Në anën jugore të qytetit, rreth 200 m jashtë mureve rrethuese, në një tarracë të ndërtuar me mure mbajtës të përforcuar me kontraforte, është zbuluar bazamenti i një tempulli antik. Ai ka qenë një peripter i rendit dorik, me përmasa 12,5 m dhe 6,75 m. Nga frontoni i tij vjen një skulpturë mermeri, që paraqet një grua të shtrirë, ndoshta simbolin e një lumi.
Një mbishkrim që i kushtohet rindërtimit të tempullit të Afërditës, duket se lidhen pikërisht me këtë tempull. Tempulli, i ndërtuar në shek.III p.e.sonë., ka vazhduar të përdoret edhe në shekujt e parë të e.sonë. Gjatë Antikitetit të Vonë, pranë rrënojave të tempullit, ka qenë ngritur me materialet e tij një bazilikë paleokristiane.