Në shek. 1 p.e.sonë. fortifikimi kthehet në bërthamën e një vila rusticae e cila shfrytëzon ambientet e fortifikimit të parë duke shtuar 9 ambiente të reja me karakter utilitar. Ndërtimi i ri i kësaj faze ka një planimetri drejtkëndëshe (1012 m2) me fasadën të orientuar nga jugu. Në qendër të kësaj ane gjendet hyrja e re. Muret anësorë (0,8 m) janë ndërtuar me blloqe guri si të fortifikimit të parë, por të latuar keq, ndërsa ndarjet (0, 5 m) me gurë dhe rrasa të vogla. Muret kanë qenë të suvatuar ndërsa dyshemeja e mbuluar me dhe ose rasa. Arkitektura grosolane tregon për një ndërtim utilitar, pa vlerë të veçantë arkitektonike.