Ndërkohë që Mehemmedi II kishte rrethuar qytetin e Kostandinopojës, shqiptarët e shfrytëzuan këtë rast dhe sulmuan forcat osmane në zonën e tyre, dhe i mundën më 12 Rebi'u-l-ahir 846/22 prill 1453. Fatih Mehemmedi dërgoi Isa Beun, të birin e Evrenos Beut, në krye të 40.000 kalorësve për tu hakmarrë ndaj disfatës së shkaktuar nga shqiptarët, si dhe për të vazhduar misionin e përhapjes së Islamit në këtë rajon. Isa Beu me ushtrinë e tij mundi prijësin shqiptar Skënder Beun më 10 Sha' ban 857/26 korrik 1453, në betejën që u zhvillua në Berat, në Shqipëri, edhe pse kjo e fundit, kishte marrë nga mbreti i Napolit përforcime me luftëtarë. Në këtë betejë, më shumë se gjysma e ushtrisë së bashkuar shqiptaro-italiane u vra dhe shumë nga të mbijetuarit u kapën rob.